NAGMALUPIT
kaytinding salita ang ginamit
sa basketball pagkat "nagmalupit"
ang mga koponan sa kalaban
pagkat sa iskor ay tinambakan
tinambakan kaya "nagmalupit"
kaya marahil napakasakit
sa damdamin ng mga natalo
ang danas na pagkagaping ito
iba ang ating pakahulugan
sa gayong salita sa tahanan
magbigay tayo ng halimbawa
pag pinagmalupitan ang bata
talagang may parusang katapat
sa batas, lalo't yao'y naungkat
kaya pag ginamit sa basketball
ang nasabing salita'y may trobol
subalit tinambakan lang pala
sa iskor, babawi na lang sila
sa sunod na laban titiyaking
karibal nila'y paluluhurin
- gregoriovbituinjr.
01.27.2025
* ulat mula sa pahayagang Bulgar, Enero 27, 2025, p.12
Walang komento:
Mag-post ng isang Komento