MULING NILAY
narito na namang tumunganga
sa kawalan, tila parang bula
ang kaninang di ko matingkala
kung iyon nga ba'y gabok sa luha
kaya tinanganan ko ang pinsel
upang iguhit ang mga anghel
subalit bakit nalikha'y baril
na tangan ng mga trapong taksil
sa bayan, sabayan ang pagbigkas
ng mga tula ng sawing pantas
habang pinipiga kong malakas
ang isang kahel upang kumatas
minasdan ko ang buwan sa langit
at naroong bituing marikit
naninilay ko'y sinambit-sambit
at pinakinggan kung walang sabit
- gregoriovbituinjr.
05.06.2024
Walang komento:
Mag-post ng isang Komento