TALBOS NG SIBUYAS
bente pesos ang tatlong piraso
ng nabiling talbos ng sibuyas
mayaman sa Bitamina A, C,
K, at fiber o hibla, mabuti
at pampalakas ng immune system
nagpapabuti rin ng panunaw
at nagpapatibay rin ng buto
sagana rin daw sa antioxidant
tumutulong bumaba ang presyon
ng kolesterol, at mayroon ding
anti-inflammatory properties
na anong inam para sa puso
at pangkalahatang kalusugan
kaya itong talbos ng sibuyas
ay inuulam ko't pampalakas
- gregoriovbituinjr.
02.28.2026
* datos mula sa google
Walang komento:
Mag-post ng isang Komento