EXPIRY DATE
month day year sa produktong Pilipino
day month year ang sa Pranses na produkto
year month day naman ang sa Koreano
isa'y day month, isa'y month day, pansin mo?
kaya malilito ka sa ganito
tingnan ang expiry date sa litrato
galing pa ibang bansa ang produkto
dahil sa may kanji na letra dito
hiragana't katakana man ito
December 9 o September 12 ba 'to?
crispy seaweed snacks, isang pagkain
mas mabuti pang produkto'y kainin
bago pa dalawang petsa'y sapitin
bago mag-September 12 na'y kainin
nang expiry date ay di na abutin
at kung sa gitna ng dalawang petsa
mula September 12 ay abutin ka
hanggang December 9, magtanong ka na
kung ang nasabing produkto'y pwede pa
kung sumakit ang tiyan, paano na?
- gregoriovbituinjr.
11.18.2022
Walang komento:
Mag-post ng isang Komento