LARONG UNBLOCK
puzzle - six by six na parisukat
ay ilabas mo ang isang tipak
na kulay pula sa ilang tira
pag napalabas mo'y tagumpay ka
nakakatuwa ang larong yaon
pagkat isipan mo'y hinahamon
app game na Unblock sa iyong selpon
pag nagpahinga'y laro ko iyon
larong pampatalas ng isipan
pag-aanalisa't kaalaman
lohika'y ehersisyong mataman
sa ilang tira'y ilabas iyan
salamat naman sa larong Unblock
lalo na't nailabas ang tipak
pag nagtagumpay, ramdam mo'y galak
pagkat naglaro kang di nalubak
- gregoriovbituinjr.
12.29.2024
Walang komento:
Mag-post ng isang Komento