SAMPUNG PISO NA ANG KAMATIS
ang isang balot na kamatis
tatlong laman ay trenta pesos
pagsirit ng presyo'y kaybilis
buti't mayroon pang panggastos
imbes pangsahog na'y inulam
isang kamatis sa umaga
kamahalan ay di maparam
kailan muli magmumura
habang iba'y itinatapon
lang ito't labis na naani
ngunit sa lungsod ay di gayon
dapat mo itong binibili
mabuti pa'y magtanim nito
kahit sa bakuran o paso
may mapipitas kang totoo
pag kamatis mo na'y lumago
- gregoriovbituinjr.
12.25.2024
Walang komento:
Mag-post ng isang Komento