BOTO, BOGO, BOFO
Buy One, Take One: BOTO
Buy One, Get One: BOGO
Buy One, Free One: BOFO
iba'y ibang daglat
sa bibilhing sukat
iyan nga ba'y sapat
na pawang pakulô
nang tinda'y lumagô
nang sila'y tumubò
pag binili'y isa
may libre pang isa
may kita na sila
ang BOTO ng masa
sana'y di ibenta
sa tusong burgesya
BOTO mo'y butatâ
pag nanalo na ngâ
ay trapong kuhilà
- gregoriovbituinjr.
10.09.2025
* litrato mulâ kung saan-saan
Walang komento:
Mag-post ng isang Komento