KAYMAHAL NA NG OKRA
ilang panahon ding sampung piso
lamang ang okrang limang piraso
hanggang sa maging bente pesos na
nang nakaraang isang buwan pa
bente bawat tali sa palengke
buti't sa bangketa, merong kinse
kagaya nitong tangan ko ngayon
kinse lang nang bilhin ko kahapon
mga presyo na'y nagtataasan
mga gulay na'y nagmamahalan
habang mga trapo, minumura
dahil kurakot sila't buwaya
buti pa'y magtanim sa bakuran
nitong okra't ating alagaan
balang araw ay may maaani
na maaari ring ipagbili
- gregoriovbituinjr.
01.11.2026
Walang komento:
Mag-post ng isang Komento