BUNTALA
ilang planeta ang nakikita
at napaisip ako talaga
Venus ba, o Mars ba, o buwan ba?
ngunit di sila mga planeta
pagkat repleksyon lang ng liwanag
ng bombilya, ako'y napapitlag
titig sa wala, buhay na hungkag
ah, repleksyon, ako'y napanatag
animo sila'y mga buntala
na iyong natatanaw sa lupa
animo'y tulog pa yaring diwa
at sa kawalan nakatunganga
mabuti't yaring diwa'y nagising
sa matagal kong pagkakahimbing
- gregoriovbituinjr.
01.08.2024
Walang komento:
Mag-post ng isang Komento