PANICKY BA ANG PANIKI?
animo'y paniki ang panicky
nagpa-panic ka ba sa paniki
sakaling nakita mo sa gabi
at sa bahay mo'y biglang umuwi
buti kung ang paniki'y si Batman
na bayani sa Lungsod ng Gotham
na mas matinik pa kay Superman
na talaga ring sagad sa gulang
napag-usapan lang naman natin
ang paniki sa gabing madilim
di naman nang-aano sa atin
ngunit bida sa gabi ng lagim
ah, tara na kayang magsitulog
baka ito'y mali lang na kutob
sakaling paniki'y mambulabog
sa kumot kaya'y magsisisukob?
- gregoriovbituinjr.
01.13.2024
* litrato mula sa app na Word Connect
Walang komento:
Mag-post ng isang Komento