APAT NA KANDILA SA LABAS NG BAHAY
madaling araw, naihi ako
nang makita sa labas ng bahay
may nakasinding kandilâ, naku
salamat sa sinumang nag-alay
agad kong nilitratuhan iyon
kasama yaong dalawang pusà
salamat po sa nagsindi niyon
alay sa kabiyak kong nawalâ
kapuso't kapamilyang namatay
ngayong All Souls Day, inaalala
si Dad, sina Kokway, Libay, Nanay
Sofia, nagunita talaga
matapos tulang ito'y kathain
ako'y pipikit na't maiidlip
at mamaya ay muling gigising
na matiwasay ang puso't isip
- gregoriovbituinjr.
11.02.2025
Walang komento:
Mag-post ng isang Komento