Panawagan ng PMCJ sa Mayo Uno

PANAWAGAN NG PMCJ SA MAYO UNO

panawagan ng Philippine Movement for Climate Justice

sa manggagawa sa pagdiriwang ng Mayo Uno

Just Transition ay panguhanan nila't bigyang hugis

ang sistemang makakalikasan at makatao

imbes magpatuloy pa sa fossil fuel, coal, dirty

energy ay magtransisyon o lumipat ang bansa

o magpalit na patungong renewable energy

para sa kinabukasan, O, uring manggagawa!

kayo ang lumikha ng kaunlaran sa daigdig

di lang ng kapitalistang nasa isip ay tubo

saklolohan ang mundong anong lakas na ng pintig

upang mundo sa matinding init ay di maluto

payak na panawagan ngunit napakahalaga

sa kinabukasan ng mundo at ng bawat isa

- gregoriovbituinjr.

05.02.2023

* litratong kuha ng makatang gala sa Mendiola, Mayo Uno 2023