Palakad-lakad sa kawalan

PALAKAD-LAKAD SA KAWALAN

palakad-lakad lang ang makatang tulala

bagamat nakaiiwas sa mga baha

palakad-lakad, maganda raw ehersisyo

sabi ng mga atletang nakausap ko

palakad-lakad man subalit nagninilay

pinaglilimian ang mga bagay-bagay

buti't di nahuhulog sa manhole o kanal

palakad-lakad bagamat natitigagal

ang makatang palakad-lakad sa kawalan

kung matulin pag natinik ay malaliman

ika nga ng kasabihan ng matatanda

kaya sa paglalakad, huwag matulala

salamat, salamat sa inyong mga payo

upang lakad ay diretso, di biglang liko

- gregoriovbituinjr.

09.10.2025

* mapapanood ang munting bidyo sa kawing na: https://www.facebook.com/share/v/19mEmf13aZ/