May karapatan tayong lumaban

MAY KARAPATAN TAYONG LUMABAN

‎

‎may karapatan tayong lumaban

‎kahit na dama natin ang takot

‎gaano man ang kapangyarihan

‎ng mga buktot at mapang-imbot

‎

‎mandarambong sa pondo ng bayan

‎ay dapat lang nating mapanagot

‎at silang kurakot at gahaman

‎sa sala'y di dapat makalusot

‎

‎sino bang sa kanila'y papalag

‎kundi ang masang nakikibaka

‎mga trapong kayraming paglabag

‎ay dapat patalsikin ng masa

‎

‎tara na, magsikilos na tayo

‎at karapatan nati'y igiit

‎managot ang kurakot sa pondo

‎ng bayan, dapat silang ipiit

‎

‎- gregoriovbituinjr.

‎03.25.2026

‎

‎* litrato mulâ sa larong Word Connect sa selpon