Sabado, Hunyo 28, 2008

Tula: Abang Kalagayan ni Juan - ni Tek Orfilla

ABANG KALAGAYAN NI JUAN

ni Silvestre “Tek” Orfilla


Saan ka man tumingin, iyong matatanaw

Barong-barong ni Juan, laging napapag-initan

Salat na nga sa kita, hirap pa sa kalagayan

Kawawang si Juan, walang mapuntahan.


May mga tao naman, mababait at magagalang

Ano mang oras ay handa kang tulungan

Matataas ang posisyon sa ating pamahalaan

Dangan nga lamang ay mga tutang sa amo’y sunud-sunuran.


Ang kaawa-awang si Juan, sa kanyang abang kalagayan

Ginigiba na ang bahay siya pa ang pinagagalitan

Tutang mga pulis, mga nakatunganga naman

Pagkat sila ay huwad na nagsisilbi sa bayan.


Sino pa kaya ang pwedeng malapitan

Saan pa tutungo, wala na yatang mapupuntahan

Sino pa ang magtutulungan kundi tayo-tayo lamang

Ilunsad ang rebolusyong mapagpalaya, sa abang kalagayan ni Juan.

Walang komento:

Tungkol sa Akin

Aking larawan
Adhikain naming tipunin ang mga tula, maikling kwento, sanaysay, awitin, at iba pang sulating likha ng manggagawa, maralita at iba pang sektor ng lipunan, lalo na yaong nananawagan ng pagbabago at pagtatayo ng tunay na lipunang makatao.